Ақтөбе медициналық орталығында балаларға арналған «Ашық есік күні» акциясы жалғасуда
Ақтөбе медициналық орталығының балалар ауруханасында «Ашық есік күні» қайырымдылық акциясы жалғасуда. Емханаға немесе орталықтың ауруханасына медициналық көмекке жүгінген әрбір бала назардан тыс қалмайтындығын айта кету керек, жоғары білікті мамандар дұрыс диагнозды белгілеу және кішкентай пациентерді емдеуге арналған тактиканы дамыту үшін, қажетті медициналық-диагностикалықшаралардың толық көлемін жүргізетін болады.
2018 жылғы 3 шілдеде мамандандырылғандәрігерлер 143 баланы тексерді, бүгінгі таңда балалардың ең көп саны кардиолог, оториноларинголог, невропатолог кеңесіне келді.
Балаларға 75 зертханалық, 58 аспаптық, оның ішінде 24 құрсақ қуысына ультрадыбыстық зерттеулер жүргізілді,6 жағдайда — нейросонография, 19 бала — электрокардиографияға түсті.
Біздің мамандарымызға жүгінген барлық пациенттерге, әрі қарай емдеу бойынша егжей-тегжейлі ұсыныстар берілді.
