Жаңа жабдықтағы интервенциялық әрекеттер

Көп бейінді стационарда екінші ангиограф (GE Medical System) орнатылды. Көп бейінді стационар мемлекеттік тапсырыс шеңберінде жіті коронарлық синдромы бар, жіті ми қан айналымы бұзылған, сондай-ақ орталық және перифериялық қан тамырлары аурулары бар, жүрек ырғағы мен өткізгіштігі бұзылған пациенттерге шұғыл және жоспарлы көмек көрсетеді. Сатып алу облыс Әкімдігінің қолдауымен республикалық бюджет қаражаты есебінен жүргізілді. Жабдықтың құны шамамен 585 млн. теңгені құрады.

Бүгін 8 қаңтарда жаңа жабдықпен интервенциялықәрекет – коронарлық тамырларды стенттеумен коронароангиография жүргізілді.

Рентгенхирургиялық зерттеулер бөлімшесінің меңгерушісі А.Ж.Таумовтың пікірінше, «заманауи жабдықтар ұсынылатын жоғары технологиялық қызметтер спектрін кеңейтуге, сондай-ақ интервенциялық әрекеттердің сапасы мен қауіпсіздігін арттыруға мүмкіндік береді».