Барлығы балалар үшін

Ақтөбе медициналық орталығында Балаларды қорғау күніне орай “Барлығы балалар үшін” атаулы онлайн байқау ұйымдастырылған болатын. Байқау мақсаты: әр баланың ата -анасының қызмет маңыздылығын түсіндіре білу, балалардың бойындағы қабілеттерін дамытуға үлес қосу. Байқау барысында жиналған туындылар жүрекке жылулық сыйлады. Бүгін, яғни 1 маусым күні байқау қорытындысы жасалды. Барлық туынды иелері - балаларға, әкімшілік атынан және кәсіподақ ұйымы атынан Диплом және сыйлықтармен алғысымызды білдірдік.

Айта кетсек, карантинге байланысты байқау нәтижесі онлайн форматта өткізілді. Ақтөбе медицина орталығының қызметкерлерін - отбасылық мереке - 1 маусым балаларды қорғау күнімен құттықтаймыз! Барлығыңызға ашық аспан, бейбіт өмір, сәбилерге бақытты балалық шақ, әрқашанда сыңғырлаған күлкі тілейміз!