Реанимациялық қызмет персоналының біліктілігін арттыру

09.11.2022 ж. бастап Ақтөбе медициналық орталығы әкімшілігі реанимация және қарқынды терапия бөлімшелері деңгейінде пациенттердің ауыр жағдайлары кезінде шұғыл медициналық көмек көрсету сапасын жетілдіру жөніндегі іс-шаралар шеңберінде 60 сағат көлемінде «Реаниматология мен қарқынды терапияның, оның ішінде акушерияның өзекті мәселелері» тақырыбында көшпелі цикл ұйымдастырды.

Дәріскер ретінде Меренков Евгений Анатольевич - Ұлттық Ғылыми Онкологиялық Орталықтың онкогематологиялық реанимация бөлімінің меңгерушісі, жоғары біліктілік санатындағы анестезиолог-реаниматолог дәрігері, Астана медицина университетінің Анестезиология және реаниматология кафедрасының ассистенті шақырылды.

Жұмыс берушінің қаражаты есебінен Анестезиология, реанимация, қарқынды терапия орталығының анестезиолог-реаниматолог дәрігерлерін оқыту жүргізіледі. Оқу процесінде акушерлік қан кетулер, акушерлік сепсис кезінде шұғыл көмек көрсету бойынша акушер-гинекологтардың қатысуымен бірлескен дәрістер, сондай-ақ реанимациялық пациенттерге мейірбикелік күтім жасау дағдыларын пысықтау бойынша медбикелермен практикалық сабақтар жоспарланған.