«Заманауи отохирургия» шеберлік сыныбы

2024 жылғы 3-4 сәуір Ақтөбе медициналық орталығының базасында жоғары санатты оториноларинголог дәрігері, «Park Health West» ЖШС (Атырау қ.) ЛОР бөлімінің меңгерушісі Александр Григорьевич Тянның қатысуымен «Заманауи отохирургия» шеберлік сыныбы өтуде. Шеберлік шара орталығымыздың 10 жылдығына арналған бекітілген жоспар бойынша өткізілуде.
Мастер-класс аясында ортаңғы құлақ ауруларын микрохирургиялық емдеу бойынша 10-ға жуық операциялар жасалды, одан кейін оториноларингология бөлімшесінің қызметкерлері хирургиялық араласу кезеңдері мен оларды мысал арқылы жүзеге асыру әдістерін нақты пациенттерді талқылауға қатысты. Осы пациенттердің әрқайсысының проблемаларының негізі созылмалы отит патологиясы болып анықталды, бұл патология балаларда да, ересектерде де жиі кездеседі, есту қабілетінің төмендеуіне немесе жоғалуына әкелуі мүмкін. 
 Шеберлік сыныбының негізгі мақсаты – ортаңғы құлаққа ота жасаумен айналысатын отохирургтардың хирургиялық дағдыларын жетілдіру, тәжірибе алмасу және заманауи технологияларды тәжірибеге енгізу. Шақырылған отохирург А.Г. Тянның айтуынша: «Бөлім меңгерушісі, м.ғ.к. Б.А. Шагатаева жетекшілігімен оториноларингологтар тобы қажетті ресурстармен жабдықталған клиникалық базаның арқасында жоғары біліктілік пен жоғары операциялық белсенділікті көрсетеді».