Халықаралық неврология конгресі

Ақтөбе медициналық орталығының басшылығы медицина қызметкерлерінің біліктілігін арттыру саясатын белсенді қолдайды. 2024 жылғы 19-20 қыркүйек аралығында инсульт орталығының меңгерушісі, бірінші санатты невропатолог дәрігер Н.К. Серикова Санкт-Петербург қаласында өткен "Давиденков оқулары" XXVI Халықаралық конгресінің жұмысына қатысты.
 Конгрессте бас мидың қан тамырлары ауруларын, эпилепсияны, жүйке жүйесінің тұқым қуалайтын ауруларын диагностикалау және емдеу саласындағы неврологияның өзекті мәселелері талқыланды. Пікірталас отырыстарына белсенді қатысқаны үшін Н.К. Серикова жетекші ресейлік невропатологтардың монографияларымен марапатталды.