Ақтөбе облысының хирургтар мен урологтар қоғамдары бірлескен жиын.

10 қаңтар 2025ж. Ақтөбе медициналық орталығында Ақтөбе облысының хирургтар мен урологтар қоғамдары және облысымыздың медицина қауымы өкілдерінің қатысуымен бірлескен жиын өтті. Шара медицина ғылымдарының докторы, профессор, жоғары білікті уролог Олег Маратұлы Құрманғалиевтің 70 жылдық мерей тойына арналды.

Құттықтау сөздерімен Ақтөбе қалалық «Qamqor» денсаулық сақтау кәсіподақ ұйымының төрағасы Қ.Қ.Сабыр, М.Оспанов атындағы БҚМУ ректоры м.а. Н.М.Мусин, хирургия кафедрасының меңгерушісі, м.ғ.д., профессор Б.С. Жакиев жылы лебіздерін білдірді. Құттықтаушылар мерей той иесін осы күннің оқу үрдісі мен облыстағы урологиялық қызметтің дамуына қосқан өлшеусіз үлесін, халықтың денсаулығын сақтау жолындағы адал еңбегін, арнайы мамандар даярлаудағы орасан зор еңбегін және оның ғылыми еңбегін жоғары бағалады.

Денсаулық сақтау саласының ардагерлері профессор Б.Қ. Джаналаев, профессор Н.А. Ақатаев, м.ғ.к. С.Б. Келімбердиев, университеттің профессорлық-оқытушылық құрамының өкілдері, медицина ұйымының бас дәрігерлері, жетекші мамандар , әріптестері мен шәкірттері мерей той иесі профессор О.М. Құрманғалиевке ізгі құттықтау - тілектерін жолдады.

Ақтөбе медициналық орталығының қызметкерлері креативтік құттықтаулар дайындады. Бұл орталық урология кафедрасының клиникалық базасы болып табылады, тәжірбиелік дәрігерлер мен университет қызметкерлері тұрақты ынтымақтастық пен өзара әрекеттестікте жұмыс істейді.

Құрметті Олег Маратович, сізді мерей тойыңызбен құттықтаймыз! Сізге және сіздің жақындарыңызға зор денсаулық, сәттілікпен өркендеу тілейміз! Біз сізбен мақтанамыз! Ақтөбе медициналық орталығының ұжымы.