Демеушілерге өркендеу тілейміз!

  

Облыстық денсаулық сақтау басқармасы мен Ақтөбе медициналық орталығының әкімшілігі балалар мен ересек ауруханалардың қабылдау бөлімшелерінің орта және кіші медициналық қызметкерлеріне көрсетілген материалдық көмек үшін «ТНК Казхром» АҚ қызметкерлеріне шынайы ризашылықтарын білдіреді. Қазхромның қызметкерлері өздерінің бастамасымен қаражат жинап, қабылдау бөліміндегі 20 медбикеге, санитарға және рентген лабораториясының көмекшілеріне жеке банк карточкаларына 50 000 теңге аударды.
Қазіргі жағдайда қабылдау бөлімдері алғашқы диагноз қоюда, пациенттердің ауырлығын бағалауда және мұқтаж адамдарға шұғыл көмек көрсетуде маңызды қызмет атқарады. Қабылдау бөлімі деңгейінде көрсетілетін медициналық қызметтердің сапасы мен уақтылы болуы қызметкерлердің ұжымдық келісілген жұмысына байланысты. Бұл төтенше жағдайда өте маңызды.