Медициналық көмек көрсетуге байланысты инфекциялардың алдын алу бойынша семинар

2024 жылғы 16 қарашада Қазақстан Республикасы Денсаулық сақтау министрлігінің мониторингтік тобының сапары аясында Ақтөбе медициналық орталығында облыс медициналық ұйымдарының қызметкерлеріне арналған семинар өтті. Семинар спикері ретінде РМҚК “Ұлттық қоғамдық денсаулық сақтау орталығының” инфекциялық аурулардың алдын алу департаментінің бас маманы, эпидемиолог-дәрігер Ағажаева Гаухар Өнерханқызы лекциялар оқыды.
 Оқытуға бөлім меңгерушілері, акушер-гинеколог дәрігерлер, неонатологтар, реаниматологтар, аға медбикелер, акушерлер, бейінді бөлімшелердің медбикелері, сондай-ақ орталығымыздың эпидемиологиялық қызметі қатысты. Семинардың негізгі тақырыбы инфекциялық бақылау жүйесіне, медициналық көмек көрсетуге байланысты инфекциялардың алдын алуға, күнделікті тәжірибеде қол гигиенасының маңыздылығына арналды. Ағажаева Гаухар Өнерханқызына оқыту ұйымдастырып, босану блогында, орталық стерильдеу бөлімінде және кір жуатын жерде трейсерлер өткізіп, аурухана ішілік инфекцияның алдын алу бойынша практикалық ұсынымдар бергені үшін үлкен алғысымызды білдіреміз.