Аллергология және респираторлық медицина орталығы

Тыныс алу ағзаларының аурулары біздің еліміздегі халықтың жалпы аурушаңдық құрылымында бірінші орын алады, сонымен қатар халықтың өлім-жітіміне және мүгедектікке әкелетін негізгі себептердің бірі болып табылады. Қазіргі уақытта аллергиялық аурулар тұрақты өсу үрдісіне ие және әлемнің барлық аймақтарында, оның ішінде Қазақстанда да маңызды медициналық және әлеуметтік проблемаға айналуда.

Науқастарды шұғыл госпитализациялауды қажет ететін пневмонияның ауыр түрлерімен қатар қазіргі уақытта бронх демікпесі, СОӨА (созылмалы обструктивті өкпе ауруы), өткір обструктивті синдромы бар жіті бронхит, бронхоэктаздық ауру, іріңді процестер, өкпе поликистозы, өкпенің кәсіби аурулары және т.б. аурулар Ақтөбе қаласының әртүрлі ауруханалары мен бөлімшелерінде емделеді, бірақ себепші факторларын анықтап, дәл диагноз қою мүмкіндігі жоқ, толық сараптама мен мамандардың (аллергологтар, пульмонологтар) кеңес беруі қамтамасыз етілмеген, сыртқы тыныс алу функциясының бұзылу параметрлері анықталмайды, спецификалық аллергодиагностика, микробиологиялық зерттеулер және т.б жоқ. Яғни, диагнозы мен емдеуі таза тәжірибелік жолмен жүзеге асырылады.

Сонымен бірге, жалпыға мәлім, бұл аурулар адамның иммундық жүйесінің өзгеруімен байланысты екендігі белгілі, бұл өз кезегінде көптеген зиянды факторларға әсер етеді (экология, диета және өмір салты, агрессивті бактериялар мен вирустар, есірткіні бақылаусыз пайдалану және т.б.). Қазіргі уақытта аллергиялық аурулармен ауырмайтын отбасы жоқ.

Аллергияның ең ауыр түрлері: дәрілік препараттарға реакциялар, анафилаксиялық шок, бронх демікпесінің ауыр түрлері, атопиялық дерматит ұзақ емдеуді қажет етеді, пациенттердің өмір сапасын едәуір төмендетеді және оның өміріне нақты қауіп төндіруі мүмкін.

Ақтөбе облысында бронх демікпесімен ауыру жыл сайын ұлғайып келеді. Диспансерлік есептегі ауыр және орташа ауыр демікпемен ауыратын науқастар және тұрақты базалық емдеуді қажет ететін науқастар саны 2010 жылы 1700-ден 2017 жылда 3536 науқасқа дейін өсті.

Тұрғындар арасында респираторлық және аллергиялық аурулардың жоғары деңгейге көтерілуіне байланысты, сонымен қатар тыныс алу ағзаларының аурулары мен аллергиясы бар пациенттерге медициналық көмектердің барлық түрлерінің сапалы әрі қолжетімділігін арттыру мақсатында ШЖҚ «Ақтөбе медициналық орталығы» МКК базасында2019 жылдың қаңтар айынан бастапОблыстық аллергология және респираторлық медицина орталығы ашылды.

Орталықтың құрамында 3 құрылымдық бөлімше жұмыс жасайды:

1. Көпсалалы стационарда:

- стационарлық бөлімше – 40 кереуеттік (20 аллергологиялық кереует және 20 пульмонологиялық кереует) аллергия және бронх-өкпе аурулары бар пациенттерге шұғыл және жоспарлы көмек көрсету үшін;

- ересек тұрғындарды қабылдау бойынша аллерголог-дәрігерінің кабинеті: кеңес беру-диагностикалық көмектер, тексерулер, спецификалық аллерго сынамалар, аллерген-спецификалық иммунотерапия.

1. Көп бейінді балалар стационары (ОКБА):

- стационарлық балалар бөлімшесі – 32 кереуетке (аллергология және пульмонология), аллергия және бронх-өкпе аурулары бар балаларға шұғыл және жоспарлы көмек көрсету үшін.

- 18 жасқа дейінгі балаларды қабылдау бойынша аллерголог-дәрігердің кабинеті: кеңес беру-диагностикалық көмектер, тексерулер, спецификалық аллерго сынамалар, аллерген-спецификалық иммунотерапия.

1. Кеңес беру-диагностикалық орталығында ересектер мен балаларды қабылдау үшін аллерголог-дәрігерлерінің кабинеті жұмыс жасайды: спецификалық аллерго сынамалар жүргізіледі.

Аллергология және респираторлық медицина орталығында жоғары білікті мамандар, Батыс өңіріне танымал аллергологтар мен пульмонологтар жұмыс жасайды: Есекеева С.Х., Дуйсенова Л.С., Каримолдаева Д.К., Ермекбаева А.Ж., Баштовенко С.А., сонымен қатар «Аллергология және иммунология» мамандығы бойынша резидентура бітірген жас мамандар да бар. Орталықтың басшысы болып жоғары санатты аллерголог-дәрігер, медицина ғылымдарының кандидаты, Қазақстандық аллергологтар мен иммунологтар Қауымдастығының вице-президенті, тәуелсіз сарапшы З.С.Хайруллина қызмет етеді.

Аллергология және респираторлық медицина орталығында салалы қызметтердің барлық түрлері, соның ішінде науқастарға шұғыл және жоспарлы көмек көрсету мен диагностикалық қызметтердің толық спектрін ұсынады.

Дәрігерлердің кеңестері, пациенттерді спецификалық тексерулер және емдеу пациенттің бекітілген мекен жайы бойынша емхана дәрігерлерінің жолдамасымен тегін жүргізіледі. Егер жолдама болмаса, ақылы түрде тексеріліп, емделуге болады. Шұғыл жағдайлар кезінде, өмірге қауіп төндіретін жағдайларда, жолдамасыз жүгінуге болады (өздігінен жүгіну).