Персоналдың жұмыс сапасына ішкі аудит

Бас дәрігердің медициналық көмек сапасын бақылау жөніндегі орынбасары М.Т.Алдабергенованың басшылығымен Сапа менеджменті қызметінің басшысы З.С.Хайруллинамен бірлесіп, бекітілген медициналық көмек сапасын арттыру Бағдарламасына сәйкес құрылымдық бөлімшелер персоналының жұмыс сапасын бағалау бойынша трейсерлер тұрақты негізде жүргізіледі.

Құрамында сапа Қызметінің өкілдері мен жоғары білікті аға мейірбикелер бар жұмыс тобы персоналдың шұғыл көмек көрсетуге дайындығын, инфекциялық қауіпсіздік қағидаларының сақталуын, дәрілік заттармен және медициналық бұйымдармен жұмыс істеу тәртібін бағалауды жүргізеді. Трейсер кезінде қызметкерлерді оқыту жүргізілді, ішкі жұмыс процестерін жақсарту бойынша ұсыныстар берілді.