Госпитальдық фармация бөлімшесінің ашылғанына 5 жыл

Ақтөбе медициналық орталығы қызметінің маңызды басым бағыттарының бірі ұлттық және халықаралық сапа стандарттарына сәйкес дәрілік заттар мен медициналық бұйымдарды қауіпсіз, ұтымды және тиімді басқару процестерін оңтайландыру болып табылады.
2018 жылдан бастап Қазақстанда алғаш рет пилоттық режимде операциялық блок деңгейінде медициналық мақсаттағы бұйымдарды дербестендірілген есепке алу енгізілді, кейіннен Ұлттық нейрохирургия орталығының тәжірибесін қабылдай отырып, дәрілік препараттарды дербестендірілген есепке алуды қолдану басталды. Бұл жоба акушерлік-гинекологиялық, хирургиялық және терапевтік бейіндегі 18 бөлімше деңгейінде шұғыл және жоспарлы көмек көрсететін көпсалалы стационардың күнделікті тәжірибесіне өте өзекті болды. Бұл ретте, ресурс үнемдеу технологияларын енгізу кезінде біздің орталықта басқа облыстық көпбейінді ауруханаларда мұндай ұқсастықтар болған жоқ.Госпитальдық фармация бөлімшесінің (ГФБ) ресми ашылуы 2019 жылғы 15 қаңтарда өтті. Госпитальдық фармация бөлімі жұмысының негізгі мақсаты дәрілік терапияны есепке алудың пациентке бағытталған жүйесінің тиімді жұмыс істеуі болып табылады. Бұл ретте шұғыл медициналық көмек көрсетуге арналған дәрілік препараттардың көлемі клиникалық бөлімше деңгейінде әлі де қолжетімді, ал дәрілік препараттарды, медициналық бұйымдарды беру бөлімшелердің өтінімдері бойынша әрбір пациент үшін медициналық ақпараттық жүйе арқылы жүзеге асырылады.
Іс жүзінде дәрі-дәрмектерді есепке алу жүйесінің сәтті жұмыс істеуі орталық басшылығының қолдауымен бейінді бөлімшелердің дәрігерлік және мейірбикелік персоналының командалық жұмысының арқасында мүмкін болды. Оперблоктың аға медбикесі Нұрлсу Байкушукованың, ГФБ аға медбикесі Ақмарал Саргузинаның жеке есепке алу жүйесіне қосқан зор үлесін ерекше атап өткім келеді.Орта медициналық персоналдың материалдық бухгалтерлермен сапалы өзара іс-қимылы кезінде 1С есепке алу рәсімі енгізілді және жетілдірілуде. Қолда бар материалдық ресурстарды ұтымды пайдалану бөлігінде көпсалалы аурухананың күнделікті тәжірибесінде басқару технологияларын жетілдіру оң экономикалық тиімділікті қамтамасыз етеді.