12 мамыр – мейірбикелер күні

Биыл мейірбикелердің кәсіби мерекесі карантин жағдайында ерекше форматта аталып өтілді. Қатысушылар  көп жиналған дәстүрлі салтанатты іс-шаралар өткізілмеді. Алайда бұл күнді назардан тыс қалдыру мүмкін болмады.
 Ақтөбе медициналық орталығының әкімшілігі мен кәсіподақ комитеті көпбейінді стационардың бөлімшелерінің  аға мейірбикелеріне арналған мерекелік лездеме ұйымдастырды.



Бас дәрігер Р.К.Исаев, медициналық директор А.Б.Есенжулова, кәсіподақ төрайымы С.Ж.Агзамова және бөлімше басшылары біздің медбикелеріміздің атына адал еңбегі үшін алғыс сөздер мен шынайы тілектер айтып құттықтау сөз сөйледі. Әр бөлімшенің қызметкерлеріне арналған   тұрмыстық техника және кондитерлік өнімдер берілді.



Бөлімше меңгерушілері мен стационар дәрігерлері орта буын медицина қызметкерлеріне арналған бейнеқұттықтау дайындап, Instagram парақшасында жариялады.